Завещание Адама, мир ему, своим детям (на сибирско-татарском языке)
Атам (аңа Алла Тәғәләтән сәләм пулсын) үлер алтыннан Шисне (аңа Алла Тәғәләтән сәләм пулсын), тағын пашҡа палларын йыйып, аларға әйтте: « Алла Тәғәләнең әмеренә персүссес пуйсынығыс, пицәләрегескә эйәрмәгес», - тите. Шисне (аңа Алла Тәғәләтән сәләм пулсын) йанына цағырып, аңа уасыйат, үгет ҡылты.
Пөтөн уасыйатләреннән пиш уасыйатен айырып, полай тите: «йә Шис, пы пиш уасыйат пелән эш ҡыл, тағын үсеңнән соң килгән палларыңа уасыйат ҡыл. Иң перенце, пы тонйаға өмөт ҡылтым, кән ҡайғы-ҡәсрәт күртем. Игенце, әр эшнең ағырын уйламай эшләтем, шаның өцөн пы ҡәлгә төштөм. Өцөнцосө, пицә сүсенә ҡарама, мин пицә сүсенә ҡарап пәләләнтем.
Түртенцесе, әр эштә үсеңнән ағыллыраҡ пелән киңәш, әгәр тә мин пәрештәләр пелән киңәш иткән пулсам, йемеш ағацыннан ашаутан тыйылыр итем, пы пәләгә ҡалмас итем. Пишенцесе, әр эшне эшләмәкце пулсаң, тик эцең пошса, ул эшне эшләмә. Мин йемеш ағац йанына паргац, күңелем тартматы, эцем пошты, ашатым пәрепер – оцмаҡтан цығарылтым», - тите.