Сибирско-татарские пословицы и поговорки
1.Әлипне тайаҡ та тип пелмәү.
2. Киштә пашыңа төшмәсен
3. Аңа ике аҡца пер тейен.
4. Йасмыштан усмыш йуҡ.
5. Ашап туймағанны, йалап туймассың.
6. Йаманнан йарты ҡашыҡ аш ҡалыр.
7. Әйтсәң сүс, төртөләте күс.
8. Ул кәмәлектән ишкәкне тә цығаралмайты
9. Йек күренгенце, йеп күренсен
11. Миннән киткенце, эйәсенә йеткенце...
12. Типсә, тимер өсәр
13. Цыцҡанта ғына күт кәрәк.
14. Аштан олы пулма
15. Аның ҡулы күтенә йетмәйте.
16. Ур уртан ҡәләл имеш.
17. Ҡарға ҡарғаның күсен цуғымас
18. Кемнең ҡулынта, шаның ауысынта.
19. Табаҡ шалтырамаганцы, эш ҡалтырамайты.
20. Атлар урланғац, ҡапҡа йабылмас.
21. Төйәне тә күрмәгәц, пашҡаны күрмәс.
22. Кисәкләртән тегелгән йурған, йаҡшытан пулмас.
23. Ҡунаҡ ишектән керсә, рисыҡ тишектән керер.
24. Маҡтанма тауыҡ, күтеңнән өрөр сыуыҡ.
25. Суғыр тауыҡҡа пары та потай.
26. Йаман пулса – үсенә.
27. Ҡурыҡҡанның күсе пиш пулыр.
28. Йылышып та керәтеген үс өйөң пулсын.
29. Пер көннөк потайым пар, иртәгә Ҡотайым пар.
30. Ҡолын үстермәгән, атҡа утырмас.
31. Ит өцөн шеш көйөр!
32. Мал көткән ашҡа туйар.
33. Йарарға – кеше ҡарар.
34. Палта иц нимәгә тә йарамаса та, пуҡ цапҡалы йарар.
35. Күт астытағын алты ай эстәр.
36. Кән сикергән ҡурасның тауығына ит үрмәс.
37. Иртәнге ҡунаҡ тис ҡайтыр.
38. Күс ҡурғаҡ, ҡул патыр.
39. Паласы итеген кейгенце, атасы эшен пөтөрөр.
40. Пөтсә – пөтмәйте, ҡуйса – ҡуймайты.
41. Пулмайтығыннан - пулмайты
42. Аштан олы пулма.
43. Суңға ҡалғанға сыуыҡ сыу.
44. Төнйа – күләсә.
45. Йалған тонйа ике килмәс.
46. Эстәгән табыр.
47. Ҡулы пушның йулы пуш.
48. Цитне ҡармағаннан йаныңны ҡарма.
49. Ҡалыҡ көцө таш йарыр.
50. Эше та пар, теше тә пар.
51. Айағым ат, ҡулым ҡамцы.
52. Исең парта, итәген йый.
53. Ир ҡанаты – ҡатын.
54. Туғаныңны ҡырсаң та – китмәс, тусыңа өрсән тә – оцып китер.
55. Ур пайымас, йот симермәс.
56. Туйған өйгә туғыс килер.
57. Йәтим пала сыҡтаса, йете ҡат күк пергә сыҡтар.
58. Үртәк оцыр, палыҡ патыр.
59. Күрше күршегә ҡарап, көн күрәте.
60. Йасҡы пос йастыҡтай пулса та – эшәнмә, көскө пос көскөтәй пулса та – эшән.
61. Эшләгәннең – ҡулынта, сөйләгәннең – телентә.
62. Үткәнеңә ҡарасаң, киләцәгеңне күрерсен.
63. Омски та песнеңке, Томски та песңеңке, Себер пелән ҡурғытмағыс, Себер тә үсебеснеңке.
64. Ҡырыҡ палаң пулғынцы, пер аҡсаҡ ирең пулсын.
65. Ней цацсаң, шаны урырсың.
66. Кермәгән ишеге йуҡ, цыҡмаған тишеге йуҡ.
67. Тонйаны ҡыусаң потоң ҡайырылыр.
68. Алланың күсе төс.
69. Йығылғанға йотороҡ.
70. Киткәннәр китеп утырсын, килгәннәр килеп утырсын.
71. Ҡыйыш ҡайынға терәп киттеләр.
72. Ҡорсаҡ туйты, ҡайғы пөттө.
73. Күршенең пицәсе йәшерәк күренәте.
74. Өмөр йә питен, йә күтен күрсәтәте.
75. Ҡолынға эйәргән цәцәккә аунар, цуцҡаға эйәргән палцыҡҡа аунар.
76. Үс ҡәлен пелмәсләр, күсе малға туймаслар.
77. Көс килеше йәйтән пилгеле.
78. Ҡыш ҡунағы – ут.
79. Эт йөгөрөгөн төлгө сөймәс.
80. Йалғыс ҡасның өнө цыҡмас.
81. Пүре пүрене ашамас.
82. Тама-тама – күл пулыр, аға-аға – сил пулыр.
83. Аткан уҡ кире ҡайтмас.
84. Ҡул ҡулны йыуар, ике ҡул питне йыуар.
85. Пөгөнгө йомортҡа таңтағы тауыҡтан ҡәйерлерәк.
86. Йаҡшы пелән йулташ пулсаң – йетәрсең моратҡа, йаман пелән йулташ пулсаң – ҡалырсың ойатҡа.
87. Йаҡшының йаҡшылығы тейәр тар йертә, йаманның сарары тейәр әр йертә.
88. Ҡуйан пелән уйнама - арырсың, ут пелән уйнама – көйөрсөң.
89. Ацыу тотоу – тау йотоу.
90. Эшмәгәрнең эше пөтмәс.
91. Юрғаныңа ҡарап айағыңны сус.
Равиль АСАИНОВ